తెలంగాణ తల్లి విగ్రహానికి పాలాభిషేకం
మాజీ రాజ్యసభ సభ్యులు బడుగుల లింగయ్య యాదవ్
సూర్యాపేట జిల్లా డిసెంబర్ 10 (తెలంగాణ కెరటం): సూర్యాపేట జిల్లా కేంద్రంలో బిఆర్ఎస్ శ్రేణులు భారీ ర్యాలీగా తెలంగాణ తల్లి విగ్రహానికి పాలాభిషేకం చేశారు. కార్యక్రమంలో మాజీ రాజ్యసభ సభ్యులు బడుగుల లింగయ్య యాదవ్ మాట్లాడుతూ.., కెసిఆర్ చచ్చుడో.. తెలంగాణ వచ్చుడో… అని 14ఏళ్లు ఉద్యమం చేసి కెసిఆర్ తెలంగాణ సాధించిండని, తెలంగాణ రాష్ట్ర సాధన అనంతరం ఎంతోమంది కవులు కళాకారుల చేతుల మీదుగా తెలంగాణ విగ్రహాల రూపుదిద్దుకుందని అన్నారు. కేసీఆర్ పాలనలో పదేండ్లు సబండ వర్గాలకు ఫలాలు అందిస్తే నేడు ముఖ్యమంత్రి రేవంత్ రెడ్డి తెలంగాణ ఔనత్యాన్ని కించపరిచేలా.., తెలంగాణ సంస్కృతిని విచిన్నం చేసేలా వ్యవహరిస్తుండని అన్నారు. తెలంగాణ తల్లి విగ్రహ మార్పు చేసిన దుశ్చర్య దురదృష్టకరమని ఆవేదన వ్యక్తం చేశారు. స్వాతంత్రం తర్వాత భారతమాత విగ్రహం ఎలా ఏర్పాటు చేసుకున్నారో తమిళనాడు కర్ణాటక రాష్ట్రాల విగ్రహాలను ఏ విధంగానైతే ఏర్పాటు చేసాము అలాగే తెలంగాణ తల్లి విగ్రహాన్ని ఏర్పాటు చేశామని తెలిపారు. తెలంగాణ తల్లి విగ్రహాన్ని కెసిఆర్ ఏర్పాటు చేసింది కాదు.. ఎంతో మంది కవులు కళాకారులు, తెలంగాణ వాదులు ఆలోచించి తెలంగాణ తల్లి దేవతల ఉండాలని ఆలోచన చేసి అందరూ కలసి ఏర్పాటు చేసిందే తెలంగాణ తల్లి విగ్రహాన్ని దేవతల పూజించడాన్ని ఓర్వలేని రేవంత్ రెడ్డి నేడు కాంగ్రెస్ తల్లి విగ్రహాన్ని ఏర్పాటు చేయడం తెలంగాణ సమాజాన్ని అగౌరవ పర్చడమే అని అన్నారు. బిఆర్ఎస్ ప్రభుత్వం వచ్చాక రాజివ్ గాంధీ విగ్రహాన్ని, కాంగ్రెస్ తల్లి విగ్రహాలను గాంధీభవన్కు గౌరవంగా పంపిస్తామని అన్నారు. బి ఆర్ ఎస్ రాష్ట్ర కార్యదర్శి వై వెంకటేశ్వర్లు, మున్సిపల్ చైర్ పర్సన్ పెరుమాండ్ల అన్నపూర్ణ శ్రీనివాస్, మాజీ గ్రంథాలయ సంస్థ చైర్మన్ నిమ్మల శ్రీనివాస్ గౌడ్, మాజీ ఎంపీపీ నెమ్మది బిక్షం, జడ్పిటిసి జిడి బిక్షం తదితరులు పాల్గొన్నారు.
