ఈ నెల 17న హైదరాబాదులో నిర్వహించే దీక్షను విజయవంతం చేయండి.

తెలంగాణ కెరటం నాగర్ కర్నూల్ జిల్లా ప్రతినిధి (డిసెంబర్ 12):

ప్రభుత్వం, ఉపాధ్యాయులకు చెల్లించాల్సిన పీఆర్సీ, డి ఎ ల బకాయిలు, ఈ కుబేర్ లో ఉన్న పెండింగ్ బిల్లులను వెంటనే విడుదల చేయాలని తెలంగాణ ప్రాంత ఉపాధ్యాయ సంఘం (టి పి యు ఎస్) జిల్లా ప్రధాన కార్యదర్శి శేఖర్ ముదిరాజ్ డిమాండ్ చేశారు. ఉపాధ్యాయులు ఎదుర్కొంటున్న సమస్యలను వెంటనే పరిష్కరించాలని తపస్ ఆధ్వర్యంలో ఈ నెల 17 న హైదరాబాద్ లో ఇందిరా పార్క్ వద్ద ధర్మాగ్రహ దీక్ష చేపడుతున్నట్లు తెలిపారు. ధర్మాగ్రహ దీక్షకు సంబంధించిన గోడపత్రికను గురువారం నాగర్ కర్నూల్ జిల్లా అచ్చంపేటలో ఆవిష్కరించారు. ఈ దీక్షను నాలుగు దశలలో మొదటగా పాఠశాలల్లో నల్ల బ్యాడ్జీలతో, మండల స్థాయిలో తహసీల్దారులకు వినతి పత్రాలు అందజేశారు. జిల్లా స్థాయిలో కలెక్టరేట్ల ముందు ధర్నా మరియు చివరగా హైదరాబాదులో ఈ దీక్షను నిర్వహిస్తున్నామని తెలిపారు. కావున ఉపాధ్యాయులు అధిక సంఖ్యలో పాల్గొని విజయవంతం చేయాలని కోరారు. ఈ కార్యక్రమంలో రాష్ట్ర కార్యవర్గ సభ్యులు కొంగర శ్రీనివాసులు పెంట్యా నాయక్ , జిల్లా నాయకులు అరవింద్ రావు, జగదీశ్వర్, రాంగోపాల్ గౌడ్ వివిధ మండలాల అధ్యక్ష ప్రధాన కార్యదర్శులు రమేష్, సతీష్ కుమార్, రాజేష్, గోవర్ధన్, చంద్రశేఖర్, భరత్, తిరుపతయ్య మరియు నాయకులు ప్రభాకర్ రెడ్డి, భాస్కర్ శ్రీనివాస్ రెడ్డి తదితరులు పాల్గొన్నారు