బక్క చిక్కిన బీదోడి ఆశాదీపం రేషన్ కార్డుకు రేవంత్ సర్కార్ పంగనామం
–మేడ్చల్ బిజెపి ఇంచార్జీ ఏనుగు సుదర్శన్ రెడ్డి
(తెలంగాణ కెరటం) ఘట్ కేసర్ ప్రతినిధి / జనవరి 18 : తెలంగాణ రాష్ట్రంలో ఆదరాబాదరాగా మతిలేని రేవంత్ ప్రభుత్వ పథకాలను తన గతి లేని ఖజానా వల్ల దూరం చేసే విధంగా తప్పుడు నిర్ణయాలు తప్పుడు చర్యల్లో భాగంగా నూటికి 90 శాతం అర్హులైన పేద ప్రజలు రేషన్ కార్డులకు దూరంగా ఉండేలా జాబితాలను వెరిఫికేషన్ పేరుతో వంచించడం నీచమైన చర్య,గత పది సంవత్సరాల కాలం నుండి బారాస కుటిల నీతి వల్ల అనేకమంది మంది పేద ప్రజలు వివాహాలు చేసుకుని సంతానాన్ని కలిగి ఉన్నప్పటికీ రేషన్ కార్డులు ఇవ్వనటువంటి పరిస్థితి, కెసిఆర్ కుటిల నీతికి పదింతల ఎక్కువగా రేవంత్ రెడ్డి సర్కారు ప్రతిపక్షంలో ఉన్నప్పుడు మాటల కోతలు గద్దెనెక్కిన తర్వాత పథకాల్లో కోతలు అన్న చందంగా ఊరేగుతున్నారు, డొక్కా చిక్కిన పేదోడికి సబ్సిడీ మీద లభించే ఆహార ధాన్యాల మొదలుకొని రేవంత్ ఆరు గ్యారంటీల మోసాల్లో భాగంగా చెప్పిన 500 కే సిలిండర్ 200 యూనిట్ల ఉచిత విద్యుత్తు వంటివి మరియు ప్రజలకు అత్యవసరమైన ఆరోగ్య సౌకర్యం అందించే ఆరోగ్యశ్రీ కార్డు వంటి వాటికి కూడా రేషన్ కార్డులే అర్హతకు ప్రామాణికంగా తీసుకునే పరిస్థితి,కానీ ఎటువంటి దరఖాస్తులు తీసుకోకుండా గుడ్డెద్దు చేనులో పడ్డ విధంగా రేవంత్ రెడ్డి తూతూ మంత్రపు రేషన్ కార్డుల జారి ద్వారా ప్రజలను వంచించాలని చూస్తే పెద్ద ఎత్తున బిజెపి రాష్ట్ర పార్టీ తరఫున ఉద్యమిస్తామని ఆయన హెచ్చరించారు…