ములుగు జిల్లాలో బైక్ ను ఢీ కొట్టిన కారు: ఒకరు మృతి
ములుగు జిల్లా వేంకటా పూర్ మండలం జవహర్ నగర్ సమీపంలోని గట్టమ్మ టెంపుల్ సమీపంలో ఈరోజు మధ్యాహ్నం రోడ్డు ప్రమాదం చోటు చేసుకుంది
హరిత కాకతీయ హోటల్ వద్ద మధ్యాహ్నం జరిగిన ప్రమాదంలో నందికొండూరు సతీష్ బాబు (33) అక్కడి కక్కడే మృతి చెందాడు.
గోవిందరావుపేట నుంచి ములుగుకు వస్తున్న కారు ములుగు నుంచి పస్రాకు వెళ్తున్న బైక్ ను అతివేగం తో ఢీ కొట్టిందని స్థానికులు చెబుతున్నారు.
దీంతో యువకుడు అక్కడి కక్కడే మృతి చెందాడు. కారు డ్రైవరు పరారీలో ఉన్నట్లు తెలిసింది, అయితే కారు డ్రైవర్ పిట్టల వెంకటేష్ గా గుర్తించారు.
ఈ ప్రమాద ఘటనకు సంబంధించి పూర్తి వివరాలు తెలియాల్సి ఉంది. పోలీసులు ఘటన స్థలానికి చేరుకుని కేసు నమోదు చేసి దర్యాప్తు చేస్తున్నారు.
